నూతన వ్యాసములు:
latest

728x90

header-ad

468x60

17, మే 2020, ఆదివారం

పెన్నా నది ఒడ్డున బయటబడ్డ 108 శివాలయాలు - Jyothi Siddavatam

పెన్నా నది ఒడ్డున బయటబడ్డ 108 శివాలయాలు - Jyothi Siddavatam

జ్యోతి సిద్ధవటం

  • ➣ రాయలసీమలో పెన్నా నది వడ్డున కొన్ని వందల దేవాలయాలు ఉన్నాయి..
  • ➣ రాజుల కాలం నాటి ఆలయాలు చాలావరకు కాలగర్భంలో కలిసిపోయాయి..
  • ➣ అలాంటి మహిమాన్వితమైన 108 లింగాల శివాలయాల దివ్య క్షేత్రమే జ్యోతి సిద్ధవటం.
  • ➣ కడప జిల్లాలోని సిద్దవటం మండలం జ్యోతి గ్రామంలో పెన్నా నది ఒడ్డున ఇసుకలో అప్పటి ముస్లిం పాలకులచే కప్పబడి ఉన్న 108 శివాలయాల ఆలయాన్ని ఈమధ్యనే వెలికితీశారు,
  • ➣ ఈ ఆలయం 1213 వ సంవత్సరానికి చెందినదిగా గుర్తించారు.
  • ➣ 108 శివాలయాలు గల ఈ ఆలయం చాలా ప్రత్యేకమైనది.
ఈ 108 శివాలయాలు గల దేవాలయాన్ని రక్కసి గంగారయదేవ అనే రాజు మరియు అయన అంగరక్షకుడు అయిన జంటిమ నాయకుడు 12వ శతాబ్దంలో నిర్మించారని ఆ తరువాత ముస్లిముల పాలనలో చాలావరకు ఆలయాలను ధ్వంసం గావించి ఇసుకతో పూడ్చి వేసారని చారిత్రక కథనం.
జ్యోతి సిద్ధవటం - siddavatam 

జ్యోతి సిద్ధవటం - siddavatam 

జ్యోతి సిద్ధవటం - siddavatam
జ్యోతి సిద్ధవటం - siddavatam 
ఈ పవిత్రమైన యాత్రా స్థలం శ్రీశైలానికి ఉన్న నాలుగు ద్వారములలో జ్యోతి పశ్చిమ ద్వారము. ఆలంపురం , త్రిపురాంతకం మరియు ఉమామహేశ్వరం మిగతా మూడు ద్వారాలు. పురావస్తుశాఖ ఆద్వర్యంలో జరిపిన తవ్వకాల్లో సుమారు 6 దేవాలయాలు ఇంకా చతుర్ముఖ శివలింగం, సూర్యుని విగ్రహం మరియు నాగ శిలలు బయటపడినాయి, వీటిని దశాబ్దాల క్రితమే చెన్నై మ్యూసియంకు తరలించారు.

శ్రీ సిద్దేశ్వర స్వామి ఆలయం ఉత్తర ముఖంగా ఉంటుంది. ఈ ఆలయములోని శిలా శాసనమును బట్టి కాకతీయ రుద్రమ్మ దేవి వెండి రథము, వజ్రపు కిరీటం ఈ ఆలయమునకు బహూకరించినట్టుగా తెలుస్తోంది. ప్రస్తుతం ఈ ఆలయం లోపలి భాగం మాత్రం పటిష్టంగా ఉన్నా బయట నుండి మాత్రం ఎప్పుడు కూలుతుందో అన్నట్లుగా అత్యంత దయనీయ స్థితిలో ఉంది.

ఈ ఆలయం చుట్టుపక్కల ఎక్కడా కానీ పురావస్తుశాఖ ఆనవాళ్ళు కనుచూపు మేరలో కూడా కనిపించకపోవడం గమనార్హం... స్థానిక ప్రజలే ఈ ఆలయ ఆలన పాలన చూస్తున్నారు. ఎంతో మహిమాన్వితమైన పవిత్ర పెన్నానది తీరాన ఉన్నది ఈ దివ్య క్షేత్రము. ఈ దేవాలయాన్ని పునర్నిర్మిస్తే గొప్ప పుణ్యక్షేత్రంగా విరాజిల్లుతుంది.. ఇక్కడికి చేరుకోవడానికి కడప నుండి సిద్దవటం చేరుకుంటే అక్కడి నుండి జ్యోతి గ్రామానికి ఆటోలు వెళుతుంటాయి.

సంకలనం: మంగళ ఆంజనేయ అవధాని
« PREV
NEXT »